Euskal Lanbide Heziketak Ethazi metodologia erabiltzen du ikaskuntza-eredu gisa.

Eredu horrek erronkan oinarritutako ikaskuntza partekatuan zentratzen du ekintza pedagogikoa; horren bidez, ikasleek irakasleen taldeak proposatutako proiektu eta erronkak gaindituz eskuratzen dituzte dagokion zikloari lotutako gaitasunak.

Modu horretan, ikasleak eraikitzen dute, banaka eta taldeka, erronkak gainditzeko beharrezkoa den ezagutza, irakaslearen laguntzarekin betiere.

Proiektuak egiten dituztenean, dagokion lanbide-arloari lotutako ezagutza teknikoak eskuratzeaz gain, garapen profesionalari berezkoak zaizkion zeharkako gaitasunak (taldean lan egitea, konpromisoa, erantzukizuna, aldaketetara egokitzea, erabakiak hartzea, komunikazioa, ekimena, etab.) ere eskuratzen dituzte.