Proiektuaren helburu nagusia edupreneur pentsamoldea sustatzea da, hau da, ekintzailetzaren erroa hezkuntzaren esparruan sustatzea, irakasleek eta heziketa-espezialistek prestakuntza-prozesuetako hobekuntzen bultzatzaile gisa jardun dezaten, inklusioa eta aukera-berdintasuna bermatzeko. Aldaketa horietan, ikaslearengan oinarritutako pedagogia berriek eta hezkuntzaren alorrean aplikatutako teknologiek zeresan handia dute.

Proiektuaren helburua lortzeko honako hauen garapena aurreikusten da:

• EduChampions taula interaktiboa. Infografia interaktiboak, edupreneur inspiratzaileen historia eta lorpenak adierazten dituztenak, zeinak inklusioan, berdintasunean eta aniztasunean oinarritutako praktika berritzaileekin beren inguruko hezkuntza-ekosistemak aldatzen lagundu baitzuten.
• Prestakuntza-ibilbidea, hezkuntzako irakasle eta espezialistek beren trebetasunak hobetu ditzaten hezkuntza-ekintzailetzan eta estrategia berriak sor ditzaten ikasleen beharrei aurre egiteko hezkuntza-inguruneetan. Horren barruan sartzen dira ikaskuntza aktiboko pedagogiak eta tresna digital garrantzitsuen erabilera. Ikasteko ibilbidea hiru estaziotan banatuko da.:
  • Pedagogia: ikasleen aniztasunari heltzeko esparru eta estrategia esanguratsuak.
  • Teknologia: aurrez aurreko zein urrutiko ikaskuntza-inguruneetan estrategia pedagogikoak ezartzeko tresna digitalak.
  • Edupreneurship: enpresa-estrategien esplorazioa eta pertsona ekintzaileen papera hezkuntzaren arloan.
• Online bidezko EduChampions ikaskuntza-guneak. Sarbide irekiko online plataforma, EduChampionsen infografia interaktiboak eta ikaskuntza-moduluak biltzen dituena, autoebaluazio-tresnekin eta ariketa interaktiboekin batera. Hauek esplorazio malgu eta pertsonalizatua eta errealitatera transferitzea ahalbidetzen duten modu batean antolatuko dira.